معقول خوفنا من لي مضى
أقوى من خوفنا من لي جيي
إن كان لا بد نخاف
شو همنا بشي راح
وصار النهاية
معقول لأنا نحنا بقينا
متل ما نحنا
عم نرجف رجف
كل ما تبدلت مطارحنا
رافضين نصدق
انو نحن .. مش نحنا
هيدا الوقت عم يضحك علينا
وسارق مسارحنا
وكل ما غفيت عين وارتاحت
بتفيق لتتذكر لي صار
القلب بيقلها سمعي
حكيي أنا
وشو بدك بالخبار
بيهجم عليها الفكر
متل النمر
جوعان بدو يفترس الوقت
بدو يفترس الحقيقة
وبآخر لحظات الغفى
وأول نسمات الصبح
صوت البلالبل
بينقذ هالصديقة
ما عاد بدي فكر
بدي نام واوعى
متل النسيم
لمساته.. آه منها لمساته
رقيقة..كتير رقيقة
تِعْب القلب من خوفنا
حاجة يجي مبارح
خلي مبارح يضل
مطرح ما هو يضل
لا رح نقلو فل..
ولا خليك متل شي ظل
يصطفل فينا
ولو حب يزور لحظة
ليالينا
رح نبتسم متل الطفل
وبعد رفة عين وحدة
منرجع للفرح
خلوا الفرح فيكم
حلو الفرح فينا
